اتبع الخطواط التالية ( طريقة عمل الجناااااااان)

ضينايا القارئ..(مش كل مره عزيزى)..ايون حلم الماضى اصبح حقيقه..و المعجزه التى عشت تحلم بيها ممكن تتحقق..!!..ايون..بامكانك انك تبقى مجنون و في 24 ساعه فقط و بدون معلم ايضا..لا..اوعى تقلق..مش هقولك انك ترسل انتاجك الادبى..بلا ادبى بلا بتنجانى..الحكايه بسيطه خالص..و لزياده البساطه هتلاقينى معاك من الخطوات الاولى و حتى اخر خطوات واللى هى طبعا مستشفى المجاذيب و الان لنبدأ:

..1_سيادتك صحيت من النوم..بالراحه خالص و خد راحتك..هى الدنيا طارت؟!..اذا كنت صحيت على صوت المنبه..لا..اوعى تقفله..اكيد حد فيهم صحى خلاص و هييجى عشان يتابع جريمه ايقاظ سعادتك من النوم..اه..ها هو جىىى..نعم..سدد بقوه و بتركيز علي الرأس مباشره..و دلوقتى تقدر تنعم بنوم هادئ بلا منغصات..بالعكس ان المنبه والبنى ادم اللى انت طحنته ده مش هيتجرأ يضايقك تانى ابدا..!!..ايه؟!..لازم تصحى بدرى؟!..امتحان؟!..طيييييييييييب..لما تصحى..بعدين طبعا..اوعى تنسى ان تبعت خطاب لوزير التعليم تعلن فيه رفضك لميعاد الامتحان

..2_جنابك استيقظت و قمت من السرير..راجع نفسك..هل ساعات النوم التى انت يدوب نمتها يعينى كفايه..؟!..استنى..السرير لسه جنبك..انت حر..ودلوقتى وقت الفطاااااااااااااااااااااار..و وطبعا وزى ماحا عارفين..ان الفطار هو اهم وجبه في يوم البنى ادم عشان كده متفطرش..بديهى!!!..هى كوبايه الشايه وتمت على كده..يفضل كونه ساده لضمان الاصابه بالقرحه..ودلوقتى يلا على الكليه

..3_ازاى هتروح الكليه؟؟..ايه؟؟؟!.. اتوبيس!!..مترو!!..ثكلتك امك!!..ليه؟!..دانتا هتبقي مجنون قد الدنيا..المهم..اركب تاكسى..نعم..عارف انك مفلس وضاربك السلك ومعككش شلن..ماتخافش..و لكن اهم حاجه انك تقعد فى الكرسى اللى وراو راقب الطريق بحذر بحيث تعرف لما تقرب من الكليه انها اقتربت فعلا..اه ..اهى قربت..و دلوقتى و بهدوء و من غير ما السواق ياخد باله ابدأ في خلع هدومك قطعه قطعه..و اذا كنت في الشتاء بامكانك الاحتفاظ باى حاجه بسيطه!!..و بمجرد ان تصل ابدأ في شد شعرك وانت بتصرخ..فليسقط الملك..الاستعمار التام..و الموت للانجليز و لفريق الزمالك..!!..مش هيقدر السواق ساعتهاا على طلب قرش واحد!!.

.4_و بعد ان تصل الى الكليه..لا ..مش هتلبس هدومك..و وروحعلى طول على مكتب العميد..و هناك حاول تناقشه في اى موضوع هام و جدى..مثل ارتفاع اسعار المعسل..او رأيك في روايه (وليمه لولاد الكلب)!!!..ثم و الى ان يأتى رجال الامن ابدأ في الرقص مرددا في حماس و فوق مكتبه..تاتا فيها واوا يح..بابا اوبح..!!!.

.5_و عندما يصل رجال الامن.. ايون..هى دى فرصتك للانتقام من الكليه كلها..اقع على ركبتك و ابدأ في العياط بحرقه مرددا في انهيار تام ان العميد حاول يسلبك اعز ما تملك!!..و بعد الانتهاء من الاجراءات القانونيه و ترحيل العميد الى التخشيبه البس هدومك و روح الى المنزل لسه فيه الكثير من المرح مستنى ابوك .

.6_المواجهه الصعبه..و دلوقتى انت في البيت منتظر..و بادب شديد..رجوع والدك و اهون بيدخل البيت وفى ايده البطيخه المقدسه كأى مصرى عتيد..انت كنت عاوز تزد المصروف وطبعا كل ما تقوله يحدفك بالشبشب ويقولك امشى يابن الناس من وشى احسن اقوملك..و هو مصر على رفضه..بسيطه..نقى اكبر سكينه في المطبخ و حطها على رقبه اختك الصغيره او اخوك الصغير و قوله في صرامه انك عايز فديه مقدارها 500 جنيه مصرى عدا او نقدا!!..ممكن ابوك يطنش كل ده ..و وده طبيعى جدا..ساعتها بقى انتقل الى الخطوه التاليه..و هدد بكشف علاقته المريبه بجارتكم الى والدتك..ساعتها بس هيهتم!!..

7_و اخيرا..اذهب دلوقتى و باقصى سرعه الى مجلس الشعب و اطلب ترشيح نفسك في الانتخابات..واخدلى بالك؟!..و دلوقتى اظبط ساعتك..ثلاث ساعات بالتمام و الكمال و هتلاقى نفسك في المستشفي تعالج بالصدمات الكهربيه..و دلوقتى تقدر تعتبر نفسك مجنونا رسميا..و الله ولى التوفيق...!